Monday, December 19, 2005

「決戰」灣仔







2005月12月17號晚,我一世都不會忘記。
傳媒希望發生的事件終於出現:南韓農民發難、灣仔「淪陷」(可惜竟然連編輯也不知甚麼是淪陷)、警員使用催淚彈、水炮驅散示威者……而上述事件亦順理成章地佔據港聞版上大部分篇幅。其實部分南韓民眾由下午5時許發難,直到警方於9時許在告士打道使用催淚彈之間,只不過為4小時內所發生的事情。讀者們切勿忘記,一眾人之示威行動乃數十小時,而且衝突亦寥寥可數,但翌日你們所看的,始終都係冰山一角,非常片面。
不過從零星衝突中,混在警員與示威者間的王兜,的確感受到「大戰」氣氛,尤其當你憶起閃避刺眼的胡椒噴霧、「硬食」催淚氣體後,一邊流涕狼狽逃入內街、行家們互相照應的場面時,的確令人感到刺激振奮。
振奮的代價,就是由朝早9時「直踩」到凌晨1時……
假如將來我將所見所聞向兒女講述時,小朋友可能以為爸爸係傻佬。

Saturday, December 17, 2005

樂韻柔揚


攝自灣仔北示威區的一張相。(Day3)
想不到吧,這就是令部份傳媒失望的「示威」。沒有衝突、燒紙箱;只有三步一叩、整日充滿住嘉年華氣氛。第一批南韓民眾到場後,先大叫口號,然後擺好「陣式」,就跳起反世貿的舞蹈。混合民族色彩的反世貿舞蹈,應該叫開會中官員百忙抽空欣賞,先值回票價。


另一張攝自示威區的相片。(Day3晚上)

入夜後,示威人士意猶未盡,派出一名阿嬸大跳「扯爛布舞」(暫名),在旁人士無不拍手叫好,而且跟隨拍手歌唱拍掌。可憐的大批警員當日亦無動武之地,足足食夠幾小時之「西北風」,烏呼哀哉也!
我無興趣理會嘉年華會有否贏所謂「民心」,反而各種新穎的示威手段卻令我大開眼界。

Thursday, December 15, 2005

香港議員


呢名打開對野俾人睇既人乜?相信唔需要我多介紹。

話說佢起世貿會議期間,起示威區俾警員用胡椒噴霧噴中,再被警棍扑左兩野,結果頂唔順要送院。記者問佢點,佢既答案係:「好鬼『慶』呀…」

一個堂堂立法會議員,竟然起離開醫院時打開件衫向記者展示傷勢(唔好忘記,佢中招後仲有眾多南韓農民硬食緊警棍同胡椒噴霧)。佢臨走前,仲話遲d 會繼續示威(不過話要返屋企抖抖先)。

去年有人為佢當選歡喜,今年聽到既只係「都唔知選佢黎做乜…」矛盾既香港人正係令呢位市井立法會議員可以上位既主要功臣。

Monday, October 31, 2005

死人財


一個音樂傳奇人物既生命終結後,有關佢既音樂仍然繼續出爐,近年以 Nirvana係一個好例子。

起Nirvana主力 Kurt Cobain 吞槍自殺身亡後11年間,市面已經推出數隻「大碟」,無論 demo、live、radio版、訪問、甚至現場演出等,可謂一應俱全,而我亦盡之收歸旗下。

儲左頗多 Nirvana 大碟同埋書籍,成為我人生重要既資產。不過, Kurt 同 Nirvana 已經死去,往事只能透過 cd 同書籍回憶。

怪唔知得當年潦倒病死既貓王,如今成為最賺錢既死人。

應該咁講,倒不如話最賺錢係d 唱片公司。

Thursday, October 13, 2005

千里追債

一宗表面簡單既打人事件,竟然令我追到一宗好新聞,而呢單亦係我認為自己入行以來做得最好
其實單野用左成日去追,做得唔好的話都對唔住自己,亦對唔住好拍擋阿綸。單野自問可以一個人去追,但假如寫既冇親身經歷,單野可能會少左d感情,於是都係叫阿綸親自落場,結果亦到非常好。
事後亦估唔到有迴響,而公司對呢單野既評價都幾好,最後亦獲獎。不過最高興既係,可以同阿綸合作同分享滿足感 (當然仲有獎金)。

Sunday, October 09, 2005

繪影繪聲





假如想收到宣傳 / 阻嚇作用的話,將事件完完全全、繪影繪聲咁畫出黎,相信會係其中一個好方法。

好似呢條村咁,嚴禁小狗一邊伸舌一邊痾尿,一般人睇左就清楚而明,當然佢地遵守與否又係另一回事。

可能小狗會認為呢處係痾尿既好地方。

電子化?

我買呢隻碟既原因,並非因為呢個性感既封面,純粹只係貪得意一試,結果好彩都冇令我失望。女主音 goldfrapp 除左造型性感外,聲線同樣 sexy,大碟內快慢歌都有水準 (雖然d 人話上一隻碟好d)。諗開又諗,自己最近買既碟,有一半以上都係電子野,唔通我已經走向電子化?
非也。今日已經買左 franz ferdinand 平衡一下。水準更勝上一隻 (但仍切勿過份追捧),$88 連 dvd 叫做抵買。
我來喇 ... franz ferdinand!



Saturday, October 08, 2005

屋外

呢個就係我屋企外面既環境 (攝於黃昏)。雖然地方偏遠些少,但勝在空氣清新,環境尚算優美。唔怕花太多搭車時間既人,不妨可以考慮住起呢區。

最佳圖片?


不經意影既相片,估唔到會有人讚好。
我唔覺得呢張係我入行影得最好既相,不過有同事就持相反意見,仲話係佢近期 (都有一段時間) 最好既突發相。
有時睇番的確有d 味道,尤其當記得個故事既時候,感覺尤其深刻。