工欲善其事

正所謂「工欲善其事，必先利其器」，在打籃球而言，器應指為基本功及基本裝備。既然基本功非可三兩日可就，惟先在基本裝備著手，希望對日後練習或比賽有所幫助。

其實我早對Air Pippen II 有些微興趣，惜當時早已用低價$3?? 買下一對籃球鞋 (9號半，對我來講比較窄，不否認當時為錢而買)，至到Air Pippen II Retro 登場，加上適逢舊鞋開始破損，於是我就趁此機會收購此款籃球鞋。

想不到今次要買10號半，竟不鬆亦不太緊，只有丁點頂腳，剛剛好。再穿上一對較厚之短襪，非常合適。為了令此鞋有享長壽，決定只將其用於室內場，至於街場則用舊鞋。希望此鞋可以陪伴我渡過餘下之籃球生涯吧。

雖然都只想著慢慢起步，但亦想不到自己也開始認真起來。

從何入手...?

見到呢塊板時，第一個感覺係：「開始要認真咁玩開心籃球喇！」於是當日就主動將塊板帶返屋企研究。

前晚同舊同學打波時，阿天就俾左呢塊籃球戰術板我睇。呢塊板比我之前所見既更精美，仲有個籃球磁石仔，真過癮。自問對籃球戰術只略懂皮毛既我，暫時都未知點好好利用塊板，希望隨住時間可以改善。

不過戰術板只係紙上談兵既表現，磁石公仔唔可以話你知隊友們既心理、籃球是否夠氣，成功與否唔可以起呢塊板睇到。打左接近十年隨意籃球既大家，依家要你地從頭做起似乎有d 苛求，所以短期內既目標都係以打「快樂籃球」為主。

對自己起球場身處既位置有多少理解，絕對會令每次聚會更有挑戰性，一切亦可以由呢塊戰術板做起。

渡假

拎左人生第一次大假後，心諗一定要影番d 似樣既相返黎，否則定必枉作此行。幸好，起碼自己都接受到。

兩星期內輕鬆到過澳洲三個城市(悉尼、墨爾本、布里斯班)，享受訓「監獄風雲式」之碌架床、追趕未知能否到達目的地之巴士、隨意上雙層地鐵兜大圈、晚上9點過後穿街過巷地覓食、起黃金海岸欣賞粉紅咪咪既鬼妹……雖然短期內多數唔會故地重遊(因彈盡糧絕也)，但足以回味一段時間。

可惜，無法趕及返港送老師最後一程，以及與同事為殺警案並肩作戰，引以為憾也。

解脫

你的笑容仍教我難以忘記；還有，千百條包歷滄桑的花髮，都不是死神可以隨意帶走。

這張相片其實已攝於兩年前一次聚會。為了遷就李老師的飲食習慣，我們刻意在齋店舉行聚會，可惜素食並無為老師帶來長期的健康。當時老師身體(表面上)尚算健康，見到我們這班「大細路」仍開心得笑不攏嘴。或者，老師感到自己的學生仍有如此心意，因而露出滿意、燦爛的笑容。

數個月後，老師舊病復發，自此就臥床不起，直至昨晨安詳離去。我第一次去醫院探老師時，老師仍然可以與人對答，但神智未算完全清醒。不過，有幾句卻來得非常清晰：「唔通我真係做好多壞事？點解上天要我係咁……」「我都唔想訓床架，但好多野唔到我控制……」「醫生今朝先同我講病情可能惡化左……」盡顯當時老師同何不忿、失落。

突然老師轉頭來以一句埋尾：「依家已經係咁，我更加唔可以放棄……」打從心裡老師仍未放棄任何康復機會，可惜一切已成過眼雲煙。

老師沉沉昏睡後七個月某早上，收到梅姐(即老師家姐)電話，話老師已經走了…或者大家早已消化了早前的悲傷，故雙方十數秒間的語氣均非常平靜，聽到梅姐帶點傷心之餘，亦有鬆一口氣的感覺。

一手將我們教導成才的李老師，你勞累大半生，好好在遠方休息吧，不用掛念我們。