從何入手...?

見到呢塊板時，第一個感覺係：「開始要認真咁玩開心籃球喇！」於是當日就主動將塊板帶返屋企研究。

前晚同舊同學打波時，阿天就俾左呢塊籃球戰術板我睇。呢塊板比我之前所見既更精美，仲有個籃球磁石仔，真過癮。自問對籃球戰術只略懂皮毛既我，暫時都未知點好好利用塊板，希望隨住時間可以改善。

不過戰術板只係紙上談兵既表現，磁石公仔唔可以話你知隊友們既心理、籃球是否夠氣，成功與否唔可以起呢塊板睇到。打左接近十年隨意籃球既大家，依家要你地從頭做起似乎有d 苛求，所以短期內既目標都係以打「快樂籃球」為主。

對自己起球場身處既位置有多少理解，絕對會令每次聚會更有挑戰性，一切亦可以由呢塊戰術板做起。