世界盃熱潮

看見肥仔朗拿度重拾射門鞋，同時令我重拾些少對世界盃的興趣。

因為自小受老父薰陶，所以都愛看巴西隊 (現時則同好南韓、土耳其及芬蘭)。近年巴西隊除 (間中) 可以踢出悅目足球外，亦跟隨潮流地加強防守。後面守得住，前面自然較放心進攻。雖然肥仔已不太可以由中踢連扭四五個，再將皮球送入網窩之能力，但射門能力仍屬世界級。幸好，扭波插花過人 (甚至係籃球式之 no look pass) 等技巧已由朗拿甸奴延續，即使係三兩球簡單傳送亦看得津津有味。

不過，三兩球悅目傳送，並不會讓你 tip 中半全場孖寶。現時好多人重比數、入球數字等遠多於比賽質素。即使兩隊波踢得如何激烈，攻守如何精彩，如你有下注，結果未如所料的話，必先屌聲四起，然後涉以賭波內容再討論賽事。我不賭波，因為我係非理性球迷 (e.g. 熱刺 ﹝客﹞ vs 車仔﹝主﹞，我仍會死心塌地買熱刺贏)，多多錢都不夠輸。

眾人每天都高談闊論足球之時，我對世界盃如此大型賽事已不復當年般熱情。當晚同事們看見我如果肉緊想日本輸波，並不是我很投入賽事，而係我反對軍國主義吧‧‧‧