積木電影

冇錢買攝影器材、又冇錢請有名氣既演員，但又想拍到好戲？得！咁導演就要起劇本同人物刻畫花上心思喇。《遇人不熟》相信係窮導演既啟蒙電影。

呢套戲既導演曾經講過，由於冇錢買好既攝影器材，於是要問人借用，拍攝其實差d 跌爛部機，嚇得佢死死下…大難不死，最少佢都已經闖出個名堂來。

其實《遇人不熟》原本由一個簡單不過既故事，但導演刻意將佢打散，等觀眾自行將故事重組。
起初劇情頗為沉悶，自己以為去錯戲院睇緊《電車男2》，但熱身過後就係一段段時空既穿梭。每加插一段時，人物既性格就更加凸顯，而觀眾都會有：「哦，原來係咁」既想法，然後就會自行組織整個故事，而整個故事亦都逐漸浮現出黎。

當我離開戲院後，自行將故事再重組多一次，同自己講：「頂，原來只係咁…」不過假如套戲平鋪直敘的話，真係搵鬼都未必睇。導演功力應記一功。

記得出第一次字幕時唔好走住。